SEMANA AZUL

Del llunes 5 de xunu al miércoles 7 de xunu, los escolinos de quintu y sestu, acompañaos de los maestros Hugo y Sandra, disfrutamos d'unos díes de deportes acuáticos en Xixón. El llunes, pasámoslo perbién na playa de San Lorenzo garrando oles. ¡¡Hubo varios campeones que consiguieron ponese más d'una vez de pie!! Foi una mañana percansada, pero tamién bien prestosa. Al acabar, fuimos comer al camping de Deva, y pasemos la tarde tranquila pelos alrededores. El martes, bien ceo, y depués d'un bon desayunu nel camping, esperábanos, nel Puertu Deportivu de Xixón, una xornada de vela y Kayak. Pedro, el director, tamién quixo acompañanos esti día. Pese al fríu y l'airón, que nun nos dexó salir del puertu, pasámoslo perbién. Vuelta a comer al camping, tarde tranquila pelos alrededores de Deva, cena, y antes de les doce, toos dormidinos. Y el miércoles, con más experiencia, más sol y menos aire, pudimos salir colos barcos de vela y los kayak más allá del puertu. Colos Kayak fuimos hasta la playa de Poniente y pudimos danos un bon chapuzón. Equí vos dexamos un pequeñu vidiu resume d'estos díes. ¡qué vos preste!